设置 : 设为首页 | 加入收藏
    更换皮肤:
  •   
  •   
  •   
  •   

名家推介:今季英超由头好味到尾

发布时间: 2019/5/12 【字体:

今季英超由头好味到尾

2019/05/12 文:黄兴桂

从上年8月开锣到今晚煞科,今季英超精彩到晕。首先衞冕嘅曼城继续高水准,踢出令人赏心悦目兼有成绩嘅足球,现时仍有望争做3冠王;紧随其后嘅利物浦,经过主帅高普几年重建,循序渐进地重返争标行列,今季同曼城斗到煞科日前都未分高下,球迷抱着「You will never walk alone」(你永远不会独行)嘅态度支持球队,成为「红军」斗争到最后一刻嘅塬动力。

曼联冇嘢争 最失望Big 6

同于今季易帅嘅伦敦双雄车路士及阿仙奴,开咧表现其实不俗,可惜踏入季中相继崩溃,犹幸仍齐齐杀入欧霸杯决赛,算係有所交代;另一支伦敦劲旅热刺,在零增兵及季中伤兵满营下,竟喺欧联连挫曼城及阿积士杀入决赛,确实难能可贵,领队普捷天奴居功至伟;相反投入不少嘅曼联雷声大、雨点小,无论係摩连奴还是临危受命嘅苏斯克查,始终未能重拾费格逊时代光辉,令球迷失望。

上述Big 6今晚对手偏弱,佢哋要赢波难度不大,煞科日最大悬念就係「蓝红争冠」,据我所知两军部分本港粉丝,已经前赴英伦,希望见证爱队捧杯时刻,到底係曼城衞冕成功?定係利物浦一搔29年之痒,首夺英超锦标呢?无论如何,今季英超由头到尾都咁「好味」。