设置 : 设为首页 | 加入收藏
    更换皮肤:
  •   
  •   
  •   
  •   

名家推介:英超争霸END GAME蓝红鍊到尾

发布时间: 2019/5/12 【字体:

英超争霸END GAME蓝红鍊到尾

2019/05/12

曼城重炮 阿古路

next 1/1 pre

只求3分咪旨意曼城大炒

英超今晚上演《Premier League Endgame》,曼城同利物浦斗至最后一轮争夺英超锦标!究竟係「红军」以极高分成为「悲情亚军」,抑或「蓝月亮」爆冷失分畀利物浦后上?今晚12点前自有分晓!

现时以1分领先利物浦嘅曼城,今晚只要作客赢到白礼顿,即可成为近10年首支成功衞冕球队。近仗所见「蓝月亮」踢嚟有啲紧张,加上重要关头作客陌生环境,即使领先都会放慢脚步,只求保持胜果。乐比认为曼城今晚未必会大胜捧杯,让球盘让到两球,捧下盘兼入球细。

(Now 621周日晚10时直播)

压力令球员更拘谨

曼城今仗客W得1.1倍,让球盘让两球,都算夸张。首先英超场场硬仗,之前要争前4嘅热刺、阿仙奴同曼联频频失分,降咗班嘅富咸可以反弹3连胜,就知道英超世界乜都有可能。乐比同意曼城今仗胜算係高,但係咪轻鬆大胜捧杯,真係有保留。

曼城联赛虽已13连胜,但近几仗险胜居多,上仗对李斯特城就差啲失分,嚟到季尾除咗疲累,无形压力亦令球员透不气过来,踢嚟会更拘谨,呢种情况下想搵到「燕梳球」已经好奢侈,咪旨意佢哋可大胜3球帮你赢盘!如果球赛去到尾声,利物浦嗰边仲未领先甚至落后,曼城球员收到指令拖慢嚟踢好正常,实在有太多理由捧下盘同入球细。

白礼顿上仗喺上晒岸情况下照逼和阿仙奴,可见佢哋绝不会揸流摊,尤其主场谢幕更加会搏老命。今季其余5支「Big 6」嚟到白礼顿主场,未有一队赢多过一球,两队早前喺足总杯碰头,曼城亦只係小胜1比0,所以「蓝月亮」今场绝对唔会踢得轻鬆。