名家推介:与何B故剑重逢讲世杯 - 飞彩体育网 https://www.FlyCai.net
设置 : 设为首页 | 加入收藏
    更换皮肤:
  •   
  •   
  •   
  •   

名家推介:与何B故剑重逢讲世杯

发布时间: 2018/6/14 【字体:

与何B故剑重逢讲世杯

2018/06/14 文:黄兴桂

2018年俄罗斯世界杯决赛周今晚揭幕,同大家展望今届赛事之前,先分享自己一些巧合兼具人情味嘅世杯往事。

本人已年过70岁,自1954年起留意世杯,当届由球王普斯卡斯率领、不可一世嘅匈牙利,喺决赛面对曾以3比8惨败畀佢哋嘅西德,竟于领先2粒之下,反输2比3大热倒灶,呢场史称「伯尔尼奇迹」令我铭记在心。当年我哋只能靠报纸知道赛果,或世杯结束后去戏院睇番当届精华片段。去到1958年,由于我就读嘅母校圣若瑟书院一名同窗,係当时巴西领事嘅儿子,不断将当届「森巴兵团」以424阵式首度称霸世杯嘅威水史讲我知,更有年仅17岁嘅新星比利冒起,为人津津乐道。

不愠不火令人佩服

1982年无綫有份转播世杯,当时执教东方嘅我获邀入评述行列,鑑于本人係「番书仔」中文麻麻,佢哋就请埋金牌司仪何守信帮手,教识我好多中文术语,因此结缘。特别一提,何B师傅嘅英文名Ivan Ho,係来自英国中古时代嘅忠心勤王英雄Ivanho。何B师傅主持节目总是不愠不火,会将重心放喺主要人物而非自己身上,真心令人佩服。

今年俄罗斯世杯,Peter将与何B师傅故剑重逢,透过大气电波用声音直播包括揭幕战俄罗斯对沙特阿拉伯等部分赛事,而且香港唯一女国际球证罗碧芝,亦会参与其中。另外,着名骑师兼我老友「雷神」莫雷拉,会现场直击巴西对哥斯达黎加添,球迷们要留意喇。